BARETA NGONIAN

POLICE REPORTS

NATIONAL NEWS

EVENTS

LOCAL NEWS

PBN RADIO STATION

NATIONAL NEWS

EVENTS

Mayor Marnellie Robles kan Bulan Sorsogon, sinunspendir nin 90 diaz kan SP

Posted by DZMS Sorsogon on Friday, November 28, 2014 | 0 comments | Leave a comment...

Photo grab from Mayor Marnellie Robles FB
90 diaz na suspensyon an ipinalowas na desisyon kan mga miembro kan junta probinsyal kontra kay Bulan Mayor Marnellie Robles matapos na mapatunayan na guilty sa kasong administratibo na isinangat kontra sa saiya ni Bulan Coun. Crisostomo Gotladera.

Sa 18ng pahinang desisyon na pignusnusan kan gabos na miembros kan SP, apwera kay Bokal Arze Glipo, napatunayan na accountable si Robles sa 3 sa 4 na reklamong isinangat kontra sa saiya ni Gotladera sa irarum kan Administrative Case No. 01-2014 para sa Culpable Violation of the Constitution, Dishonesty, Oppression, Gross Negligence asin Grave Abuse of Authority.

Sosog sa report, napatunayan na guilty an alkalde sa Gross Negligence matapos na tugutan asin i-authorized an pagrelease nin P10,000.00 na donasyon para sa De LaSalle College of St. Benilde na gagamiton kan eskwelahan sa saindang Theatrical Festival.

Tinawan nin doon kan SP na an siring na surat kan eskwelahan nakaaddress sa pamilya kan alkalde asin bako sa municipal government.

Napatunayan man na guilty si Mayor Robles sa Grave Abuse of Discretion and Gross Negligence dahilan sa pagtao nin sertipikasyon na dae nin pagkontra an saiyang opisina sa naging kahagadan kan Department of Public Works and Highways sa pagputol nin mga poon nin kahoy na nasa hurisdiksyon kan municipio na dae nin pigkonducer na public consultation.

Guilty man si Robles sa reklamong Oppression and Grave Abuse of Authority dahilan kan saiyang padagos na pagsayuma na bayadan an retirement and terminal leave benefits kan mga dating opisyal asin empleyado kan municipal government of Bulan.

An kopya kan desisyon kan SP na may petsang Nobiembre 25, 2014 iyo an dagos ng itinao sa opisina kan alkalde kasuudma, Nobiembre 27.

WELCOME TO PBN BICOL

Subscription

You can subscribe by e-mail to receive news updates and breaking stories.

Most Popular

PBN LIVE AUDIO STREAMING

Recent News

Total Pageviews