|
DZGB LIVE STREAM |
|
FOLLOW US |
|
DZGB-am Legazpi News |
|
PROVINCIAL NEWS |
|
˘ |
|
˘ |
|
Kinakaipuhan talagang maging professional na an pag mamaneho nin arin man na klase nin vehiculo. Ini an tinawan nin paliwanag ni LTFRB Reg’l Dir. Abugado Marcelo Salud sa pagsasabi na an pag mamaneho dapat maging saro nang kurso sa tesda./ Saiyang sinabi na ini an nagluwas sa mga investigasyon sa mga tsuper na invuelto sa mga aksidente sa tinampo kon saen nagpapahiling na an kadaklan dai nin halangkaw na inadalan kon saen an iba ngani kaini dai man lamang nakatapos sa elementarya./ Idinagdag pa ni Salud na dapat an sarong tsuper igwa man lamang nin IQ tanganing makadesisyon tulos kon in kaso nasa alanganin na sitwasyon./ |
|
DRIVING PINASASABAY NA SA KURSO KAN TESDA |
|
POSTED ON: 8/25/2010 10:21 PM |
|
PAG-ABOLISAR SA SK, KINONTRA KAN SK FEDERATION PRESIDENT SA LEGAZPI CITY
Nagtao nin paliwanag si DILG Regional Director Blandino Maceda sa isyu may kinaaraman sa suhestiyon na rumpagon na an sangguniang kabataan./ saiyang sinabi na ini sa rason na nagiging bako aktibo an mga SK Officials lalo na an SK Chair na mag atender sa pag tiripon kan baraangay council sa rason na an mga ini sabot sa saindang pag – aadal./ Sa ibong na lado, sinabi ni Maceda na dapat an kongresso magkaigwa man giraray nin lakdang na tugutan na may representasyon an mga hobenes sa consejo./ Mientrastanto, dapat mabago an proceso kan eleksyon./Bako uyon si Sangguniang Kabataan Federartion President Vicente Baltazar kan Legazpi sa lakdang na i-abolisar an SK./ Sinabi ni Baltazar na bako man gabos na sangguniang kabataan an inutil kun saen, sa legazpi aktibo an gabos na opisyal kan SK./ Kasabay kaini, sinabi niya na sinda magkakaigwa man nin pag – uroron ngonian na hapon kan gabos na opisyal kan SK sa cuidad tanganing makapagpaluwas nin panindugan sa sirting na isyu. |
|
PAGDIKLOM KAN ALBAY, DAE TUTUGUTAN KAN GOBERNADOR
Dai nanggad matugot si Gobernador Joey Salceda na magdiklom an probinsya kan Albay dara kan palabaw na utang na dapat mabayadan kan manihamiento kan Albay Electric Cooperative sa pigkaka-utangan kaini siring sa Power Sector Assets and Liabilities Management o PSALM asin Wholesale Electricity Spot Marketing o WESM./Saiyang sinabi na maski ano an mangyari, dai siya matugot na maputulan nin serbisyo nin kuryente an Albay sa rason na dakula an magiging efecto kaini sa economia asin torismo kan Albay. |
|
FOOD SECURITY MEASURE IPAPAOTOB KAN NFA BICOL
Siniguro ni bagong National Food Authority Bicol – Regional Director Atty. Danilo Bonabon na ipapautob niya an mga food safety measures sa ahencia./ Ini tanganing mapangatamanan an mga bagas na naka-istak sa saindang mga warehouses. / Ipinahayag ni Bonabon na dahilan ta Typhoon Prone Area an Bikol, ipinag-orden saiya ni Presidente NoyNoy Aquino na pangatamanan an mga bagas tanganing dai masayang./ Mientrastanto, siniguro man ni Bonabon na may magkakanigong suplay nin bagas para sa kabikolan. |
|
PAGLAOG NIN KASUNDUAN KAN LGU-ALBAY SA BJMP, APROBADO NA
Naipasar na sa sanguniang panlalaawigan kan Albay an resolution na nagtatao nin otorisasyon kay Gobernador Joey Sarte Salceda na maglaog sa kasunduan entri kan Gobierno Provincial asin kan Bureau of Jail Management and Penology. Sinabi ni kinatawan Dodo Sales, Chairman committee on Laws na sinuportaran kan mga miembros kan junta provincial an lakdang na itaong kwenta na sa BJMP an pagpadalagan sa Albay Provincial Jail o APJ./ Dahilan kaini, nasa kanot na ni Salceda sa paglaog posibleng kasunduan na pwde nindang pirmahan kan mga opisyal kan BJMP asin iba pa para sa siring na bagay./ |