Header Ads

Bilang kan mga estranded sa Pio Duran port, padagos na nadadagdagan



Magpadara an gobyerno probinsyal kan Masbate nin mga tawo na magbabantay sa mga border entry point rehiyon asin kataraning na probinsya tanganing iyo an mangenot sa mag mani-obra sa mga byaherong malaog sa islang probinsya kan Masbate.

Ini an naging rekomendasyon ni Pioduran Municipal Disaster Risk Reduction Management Chief Noel Ordoña sa nagpapadagos na pag-abot asin pagdugang kan mga stranded sa Pioduran Port na mauli sa nasabing probinsya. 

Sa ngunyan nasa 262 an stranded sa nasabong pantalan.


Sinabi man ni Danny Garcia tagapagtaram kan gobyerno probinsyal kan Albay na nagkaigwa na sinda nin paghururon kasuhapon asin posibleng ngunyan na aldaw ipaluwas an kontretong impormasyon manungod sa napaghururonan.


Sa ibong na lado, sinabi man ni Marites Quismorio Disaster Management Divison Chief kan Department of Social Welfare and Development Bicol posible man na sindang makapagtao nin asistensya sa paagi kan mga food packs alagad kaipohan na makapag sumiter nin request letter kan Local Government Unit kan Pioduran manungod sa siring na kahagadan.


No comments