Header Ads

LGU Masbate, i-aadaptar na an S-Pass Travel Management System poon Sept. 1


 Poon sa Septiembre 1, 2021 iaadapatar na kan gobyerno probinsyal kan Masbate an “Safe, Swift and Smart Passage” o S-Pass Travel Management System kan Department of Science and Technology (DOST) bilang one stop shop application/communication para sa mga byaherong malaog sa Masbate.

Kaibahan ini sa ipinaluwas na executive order no. 26, series of 2021 ni Gobernador Antonio Kho bilang proteksyon asin pagsiguro na an mga malaog sa probinsya an salbado asin negatibo sa ano man na variant kan covid19.

Segun sa E.O. 26 ni Gobernador Kho, an mga personang may planong magbyahe an kaipohan na igwa nin s-pass.ph account tanganing maaraman kun anong dokumentos an pinaghahagad kan lugar na saindang destinasyon asin maisumiter ini tanganing matawan nin Travel Coordination Permit.

An gabos na dokumentos kaipohan na isumiter sa paagi kan S-Pass asin ibeberipikar kan LGU of destination tanganing makapag generate nin s-pass QR code na kaipohan i-download, i-saved asin i-print dahil sa ini an ipipresentar sa mga aagihan na border points rehiyon.

Mientras na an wara nin maipi-presentar na S-Pass QR code an dae tutugutan na makalaog sa mga entry points kan probinsya. 

Sa ngunyan solamenteng an mga indibidwal na nakakumpleto na nin bakuna 15 dias  bago maguli sa Masbate asin an mga personang nagkaigwa nin prior coordination sa saindang city/municipal Local Government Unit an tutugutan na makabyahe palalaog sa probinsya kan Masbate. 


No comments